ಕಾಮನಕೇರಿಯಲ್ಲಿ ಜೀ ಕನ್ನಡ ‘ಕಾಮಿಡಿ ಕಿಲಾಡಿಗಳ’ ಧಮಾಕಾ: ಮಾರ್ಚ್ 24ಕ್ಕೆ ಅದ್ಧೂರಿ ರಸಮಂಜರಿ ಹಾಗೂ ಹಾಸ್ಯ ಸಂಜೆ

ಬಸವನಬಾಗೇವಾಡಿ: ತಾಲ್ಲೂಕಿನ ಕಾಮನಕೇರಿ ಗ್ರಾಮದಲ್ಲಿ ಶ್ರೀ ದಾವಲಮಲಿಕ್ ಜಾತ್ರಾ ಮಹೋತ್ಸವದ ಪ್ರಯುಕ್ತ ‘ಕಾಮನಕೇರಿ ಗೆಳೆಯರ ಬಳಗ’ದ ವತಿಯಿಂದ ಇದೇ ಮಾರ್ಚ್ 24ರ ಮಂಗಳವಾರ ರಾತ್ರಿ 9 ಗಂಟೆಗೆ ಅತ್ಯಂತ ವೈಭವದ ‘ಸಂಗೀತ ರಸಮಂಜರಿ ಹಾಗೂ ಹಾಸ್ಯ ಸಂಜೆ’ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ.ಕಾರ್ಯಕ್ರಮದ ವಿವರ:ಗ್ರಾಮದ ಅಂಬಿಗೇರ ಚೌಡಯ್ಯ ಮಂದಿರದ ಸಭಾಂಗಣದಲ್ಲಿ ನಡೆಯಲಿರುವ ಈ ಸಂಭ್ರಮದ ಅಧ್ಯಕ್ಷತೆಯನ್ನು ಕೆ.ಪಿ.ಸಿ.ಸಿ. ರಾಜ್ಯ ಪ್ರಧಾನ ಕಾರ್ಯದರ್ಶಿಗಳಾದ ಪ್ರಭುಗೌಡ ಲಿಂಗದಹಳ್ಳಿ ಅವರು ವಹಿಸಲಿದ್ದಾರೆ. ಕಾರ್ಯಕ್ರಮವನ್ನು ದೇವರ ಹಿಪ್ಪರಗಿ ಮತಕ್ಷೇತ್ರದ ಕಾಂಗ್ರೆಸ್ ಮುಖಂಡರಾದ ಅಶೋಕಗೌಡ ಪಾಟೀಲ ಅವರು ಉದ್ಘಾಟಿಸಲಿದ್ದಾರೆ. ಮುಖ್ಯ ಅತಿಥಿಗಳಾಗಿ ಗ್ರಾಮದ ಗುರು ಹಿರಿಯರು ಹಾಗೂ ಮಾಜಿ ಗ್ರಾಮ ಪಂಚಾಯತ್ ಸದಸ್ಯರು ಭಾಗವಹಿಸಿ ಶುಭ ಕೋರಲಿದ್ದಾರೆ.ಪ್ರಮುಖ ಆಕರ್ಷಣೆಗಳು:ಹಾಸ್ಯದ ಹೊಳೆ: ಜೀ ಕನ್ನಡ ವಾಹಿನಿಯ ಖ್ಯಾತ ‘ಕಾಮಿಡಿ ಕಿಲಾಡಿಗಳು’ ತಂಡದ ಕಲಾವಿದರಿಂದ ಹೊಟ್ಟೆ ಹುಣ್ಣಾಗಿಸುವಂತಹ ಹಾಸ್ಯ ಪ್ರದರ್ಶನ ನಡೆಯಲಿದೆ.ಕಲಾವಿದರ ದಂಡು: ಸಂಜು, ಪಲ್ಲವಿ, ನೃತ್ಯ ರಾಣಿ ಪ್ರಿಯಾಂಕಾ ಬಾಗಲಕೋಟೆ, ಸ್ವಪ್ನಾ ಹುಬ್ಬಳ್ಳಿ, ಮುನೀರ್, ದೇವಕುಮಾರ್ ಹಾಗೂ ಜನಪದ ಗಾಯಕ ರಾಘು ಚಿಂಚಲಿ, ಗಾನ ಕೋಗಿಲೆ ಗೀತಾ ಒಡೆಯರ್ ಮತ್ತು ಜಾನಪದ ಕಿಲಾಡಿ ಸಿದ್ಧಾರ್ಥ ಬೈಚಬಾಳ ಸೇರಿದಂತೆ ನಾಡಿನ ಹೆಸರಾಂತ ಕಲಾವಿದರು ಈ ಸಂಜೆಯ ಮೆರುಗು ಹೆಚ್ಚಿಸಲಿದ್ದಾರೆ.ಶ್ರೀ ದಾವಲಮಲಿಕ್ ಜಾತ್ರೆಯ ಈ ಸಂಭ್ರಮದಲ್ಲಿ ಕಾಮನಕೇರಿ ಹಾಗೂ ಸುತ್ತಮುತ್ತಲಿನ ಗ್ರಾಮಗಳ ಕಲಾಪ್ರೇಮಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಬೇಕೆಂದು ‘ಕಾಮನಕೇರಿ ಗೆಳೆಯರ ಬಳಗ’ ಕೋರಿದೆ